የወጣቶችና ስፖርት ቢሮ ሥልጣንና ተግባር

የማዕከላዊ ኢትዮጵያ ክልል መንግሥት ስራ አስፈፃሚ አካላትን ስልጣንና ተግባር ለመወሰን በወጣው አዋጅ ቁጥር 195/2015 መሠረት ወጣቶችና ስፖርት ቢሮ የሚከተሉት ስልጣንና ተግባራት ይኖሩታል፡-

• የወጣቶች መብትና ጥቅም በማስከበር ዙሪያ ግንዛበና ንቅናቄ እንድፈጠር ያደርጋል

• የወጣቶችን ሁኔታ የሚያመላክቱ ዝርዝር መረጃዎችን ይሰበስባል ያደራጃል በሚመለከታቸው ሁሉ እንዲታወቅ ያደርጋል፣

• ወጣቶች በክልሉ የኢኮኖሚና ማህበራዊ እንቅስቃሴዎች ውስጥ ለመሳተፍና ተጠቃሚ እንዲሆኑ የሚያስችላቸው እድሎች የተመቻቸላቸው መሆኑን ያረጋግጣል፣

• ወጣቶች እንደ ፍላጎታቸው ተደራጅተው ለመብቶቻቸው እንድታገሉና ችግሮቻቸውን ማስወገድ እንዲችሉ ያበረታታል ሁኔታዎችን ያመቻቻል፣

• ወጣቶች በልማት፣ መልካም አስተዳደርና ዲሞክራሲ ስርዓት ግንባታ ላይ ንቁ ተሳታፊና ተጠቃሚ እንዲሆኑ ስልት ይቀይሳል ድጋፍ ይሰጣል፣

• የወጣቶች አደረጃጀቶችን አቅም ለማጎልበት የሚያስችሉ ጥናቶችን ያካህዳል፣ ስልጠናዎችን ይሰጣል፣ የስልጠና አገልግሎት የሚሰጥበትን አሰራር ያመቻቻል፣ ያስተባብራል፣

• በክልላችን የበጎ ፈቃድ አገልግሎትን ተግባራትን ያስተባብራል፣ ይመራል ፣ጥናት ያደርጋል በመላው ህዝባችን ዘንድ ባህል ሆኖ እንዲወጣ ጥረት ያደርጋል፤

• ወጣቶች በስነምግባር የታነጹና አውንታዊ አመለካከት እንዲያጎለብቱ የስብዕና ግንባታ ስራዎች ይሰራል፣ያስተባብራል አሉታዊና መጤ ባህሎች እንዲጠበቁ ይሰራል፣

• ወጣቶች ማዕከላትን በማስፋፋት ወጣቶች ተገቢውን መረጃ እንዲያገኙ እምቅ ችሎታቸውንና ዝንባለያቸውን እንዲያወጡበት ድጋፍ ያደርጋል፣ ይከታተላል፣ ያስተባብራል፣

• በክልሉ ለሚንቀሳቀሱ ስፖርት ማህበራት ፈቃድ ይሰጣል፣ ይሰርዛል፣ ፕሮግራማቸውን ይከታተላል፣ ይቆጣጠራል፣

• የስፖርት ውድድሮች እንዲዘጋጅ ያደርጋል ያስተባብራል፣

• በክልሉ ስፖርት ማህበራት መካከል የሚነሱ ክርክሮችን በስፖርት ምክርቤት እንዲዳኝ ያደርጋል፣

• የባህል ስፖርት እንዲታወቅና እንዲዘወተር ያደርጋል፣

• የስፖርት ማዘውተሪያ ስፍራዎች እንዲዘጋጁ ያደርጋል የቴክኒክ ድጋፍ ይሰጣል፣

• የስፖርት ትምህርትና ስልጠና እንዲስፋፋ ያደርጋል፣

• በግል ለሚቋቋሙ የስፖርት ስልጠና ማዕከላት ፈቃድ ይሰጣል፣ ይመዘግባል፣ ይሰርዛል፣

• ለስፖርት ልማት ዕድገት የሚሆን የገቢ ምንጭ እንዲፈጠር የተለያዩ ስልቶችን ይቀይሳል፣ 

• ክልላዊ የውድድርና የስፖርት ማህበራት ደንብና መስፈርት ያዘጋጃል፣

• የስፖርት ጉዳይን በሚመለከት መንግሥታዊና መንግሥታዊ ካልሆኑ አካላት ጋር የሚደረጉ  ግንኙነቶችን ያስተባብራል፣

• ዓላማውን ለማስፈፀም የሚረዱ ሌሎች ተግባሮችን ያከናውናል፡፡